1 ივნისი – ბავშვთა დაცვის საერთაშორისო დღე

1 ივნისი – ბავშვთა დაცვის საერთაშორისო დღე

159
1
SHARE

ალბათ შეეჩვიეთ, რომ დღეს თბილისის სხვადასხვა უბანში იმართება ზეიმები და გასართობი ღონისძიებები ბავშვთა მონაწილეობით, რომელიც ძალიან პოზიტიური, ფერადი და დადებითი მოვლენაა, უფროსების მხრიდან, განსაკუთრებით მნიშვნელოვანი ბავშვთა კეთილდღეობაზე ყოველდღიური ზრუნვაა. ბავშვთა უფლებების დაცვა ყოველდღიურად მათი – ბავშვების აზრის მოსმენით იწყება. დღეს 1 ივნისია – საქართველო ბავშვთა დაცვის საერთაშორისო დღეს აღნიშნავს! მსოფლიოს მრავალ ქვეყანაში, ზაფხულის პირველ დღეს აღინიშნება ბავშვთა საერთაშორისო დღე -International Children’s Day. ყველა ბავშვის უფლებაა თანაბრად იყოს დაცული მიუხედავად – რელიგიის, ეროვნების, კანის ფერისა და სხვა განსხვავებებისა. ეს ნიშნავს, რომ ნებისმიერი პატარა დაცული უნდა იყოს დისკრიმინაციისგან. ყველა ბავშვის უფლებაა დაცული იყოს მათი ჭეშმარიტი ინტერესი, რომელიც გულისხმობს ბავშვთა კონვენციით აღიარებული ყველა უფლების დაცვისა და რეალიზაციის უზრუნველყოფას. მნიშვნელოვანია, ყველა გადაწყვეტილებაში, რომელიც ეხება ბავშვთა განათლებას, აღზრდას, კეთილდღეობას თუ პირად ცხოვრებას, წამყვანი ღირებულება ენიჭებოდეს პატარების ჭეშმარიტ ინტერესს. კონვენციის მიხედვით, ბავშვის უფლებაა გამოთქვას აზრი და მონაწილეობა მიიღოს საკუთარ ცხოვრებასთან დაკავშირებულ გადაწყვეტილებებში. მათ აქვთ უფლება ჰქონდეთ და გამოხატონ საკუთარი აზრი, მოუსმინონ და მათთან ერთად იმსჯელონ, გაითვალისწინონ და გაიზიარონ მათი შეხედულებები უფროსებმა. ამავე დროს, მნიშვნელოვანია, რომ ამ აზრის ჩამოყალიბებაში უფროსებმა გაგიწიონ დახმარება თქვენთვის აუცილებელი და სასარგებლო ინფორმაციის მოწოდებით. პოზიტიური შედეგები ერთმანეთს შორის გაზიარებული პასუხისმგებლობით მიიღწევა. ეს არის ერთ-ერთი ყველაზე უძველესი საერთაშორისო დღესასწაული. იგი დაარსდა ბავშვთა 1925 წელს, ჟენევის მსოფლიო კონფერენციაზე, რომელიც განიხილავდა საერთაშორისო კეთილდღეობას . ერთ-ერთი ვერსიით 1 ივნისს ამ თარიღის აღნიშვნა დაკავშირებულია ჩინელი პოლიტიკოსის სახელთან. 1925 წლის 1 ივნისს სან-ფრანცისკოში ჩინეთის გენერალურმა კონსულმა შეკრიბა ჩინელი ობოლი ბავშვები და მოაწყო მათთვის დუან-უ ცზეს ზეიმი, იგივე ნავი-დრაკონების ფესტივალი. ბედნიერი შემთხვევის წყალობით ეს დღე დაემთხვა ”ბავშვთა” კონფერენციას ჟენევაში. 1950 წლის 1 ივნისს ჩატარდა ბავშვთა დაცვის პირველი საერთაშორისო დღე, რის შემდეგაც ამ დღეს მსოფლიოს მრავალი ქვეყანა ზეიმობს და აღნიშნავს.