9 მაისი

9 მაისი

291
0
SHARE

გამარჯვების დღე ეს არის სამოქალაქო დღესასწაული, რომელიც სხვადასხვა ქვეყანაში კონკრეტულ მოვლენსათან დაკავშრებით წლის სხვადასხვა დროს აღინიშნება. მაგალითად ეთიოპიაში ეს დღე გამოცხადებულია 1941 წლიდან, რომელსაც ზეიმობენ 6 აპრილს. საფრანგეთსა და ევროპის სხვა ქვეყნებში ის უკავშირდება მეორე მსოფლიო ომში 1945 წლის 8 მაისს კარლჰორსტში გერმანიის მიერ უსიტყვო კაპიტულაციის გამოაცხადებას, ტუნისში მას აღნიშნავენ 1955 წლიდან და ზეიმობენ 1 ივნისს – ეს ძალიან მცირე ჩამონათვალია იმ ქვეყნებისა, სადაც ხდება აღნიშნული დღესასწაულის ხაზგასმა. რაც შეეხება რუსეთსა და პოსტსაბჭოთა სივრცის ქვეყნებს, ისევე როგორც ევროპაში, ისიც პირდაპირ უკავშირდება მეორე მსოფლიო ომის დროს ფაშისტურ გერმანიაზე გამარჯვებას. მეორე მსოფლიო ომი ყველაზე მასშტაბური და სისხლისმღვრელი კონფლიქტი იყო მთელი კაცობრიობის ისტორიაში. აზიაში ის დაიწყო 1937 წლის 7 ივლისს იაპონია-ჩინეთის ომით და ევროპაში გერმანიის თავდასხმით პოლონეთზე 1939 წლის 1-ელ სექტემბერს. საომარი მდგომარეობა ევროპაში დასრულდა 1945 წლის 8 მაისის ვერმახტის კაპიტულაციით, ხოლო აზიაში – 1945 წლის 2 სექტემბერს იაპონიის კაპიტულაციით. უდიდესი გამარჯვება ფაშისტურ გერმანიაზე – ეს ერთ-ერთი უმთავრესი შემაკავშირებელი სიწმინდე იყო საბჭოთა კავშირში მცხოვრები ხალხებისათვის, ეს იყო მათი ერთიანობის სიმბოლოდ აღიარებული. სამამულო ომში გამარჯვება იყო ის ბოლო აკორდი, რომელმაც საბოლოოდ შეკრა ერთ ოჯახად საბჭოთა კავშირის ხალხები, მათ შორის, რუსები და ქართველებიც. მაგრამ მას შემდეგ ისტორიისთვის არა, მაგრამ ადამიანთა მეხსიერებისთვის დიდი დრო გავიდა. ამ საერთო სიწმინდეებზე თაობები იზრდებოდნენ და ესეც განაპირობებდა ჩვენი საერთო ფასეულობებისა და ინტერესების მართებულად გააზრებას.

საქართველოში გამარჯვების დღე ოფიციალურად აღინიშნება 1946 წლის 9 მაისიდან. 9 მაისი, საბჭოთა კავშირის სხვა ხალხებთან ერთად, არის ქართველი და რუსი ხალხის ერთობლივი გამარჯვების ღირსშესანიშნავი თარიღი, ერთ-ერთი ყველაზე დასამახსოვრებელი, შთამბეჭდავი და გმირული ფურცელი რუსულ-ქართული მეგობრობის ისტორიაში. გერმანულ ნაციონალ-სოციალიზმზე და ფაშიზმზე გამარჯვება XX საუკუნის ერთ-ერთი უმნიშვნელოვანესი და თანამედროვე სამყაროს წესრიგის საფუძველის ჩამყრელი მოვლენაა. ნაციზმზე გამარჯვება ნიშნავს, რომ ჩვენ დღეს ისეთ სამყაროს ნაწილად მივიჩნევთ თავს, რომელიც – “იცავს სიცოცხლეს, დამოუკიდებლობას და რელიგიურ თავისუფლებას, ადამიანის უფლებებს და სამართლიანობას … ერთობლივ ბრძოლაში ველური და სასტიკი ძალების წინააღმდეგ”. (ამონარიდი გაერთიანებული ერების დეკლარაციიდან) II მსოფლიო ომში 700 000 ქართველი მონაწილეობდა. მათგან 300 000 ნაციზმთან ბრძოლას შეეწირა. ამ ადამიანების ხსოვნა ჩვენთვის უმნიშვნელოვანესი და დაუვიწყარია. ქართველების წვლილი ნაციზმის დამარცხებაში მართლაც რომ მუდამ საამაყო არის და იქნება. საქართველოში ყოველწლიურად უამრავი ღონისძიება ეწყობა აღნიშნულ თარიღთან დაკავშირებით. მთავრობა ყოველწლიურად უზრუნველყოფს იმ მთელ რიგ ღონისძიებებს, რომელიც უკავშრდება ამ დღესასწაულს და ომის ვეტერანების უდიდეს წვლილს. იმას თუ რა იგეგმება 2015 წლის 9 მაისისათვის, რომელიც ძალიან მალე იქნება, შეგიძლიათ ადევნოთ თვალყური ოფიციალური ვებ გვერდსა და მედია საშუალებებზე.