იდეალები და რეალობა – თქვენ ვისზე ოცნებობთ?

იდეალები და რეალობა – თქვენ ვისზე ოცნებობთ?

276
8
წილი

ჩვენ ყველას გვაქვს ჩვენი საოცნებო პრინცის იდეალი, მამაკაცი რომელიც რამდნეიმე კრიტერიუმს უნდა აკმაყოფილებდეს, იყოს მაღალი, სიმპატიური, ჭკვიანი, საქმიანი, იუმორის გრძნობით სავსე….მთელი ცხოვრების მანძილზე ჩვენ ძიებაში ვართ, რომ ვიპოვოთ ის ან მასთან მიახლოებული, თუმცა ხშირ შემთხვევაში რეალობა სულ სხვაა ხოლმე, რჩეული სრულიად არ შეესაბამება ამ იდეალებს, პირიქით ძალიან შორსაც კია მასთან. რა ხდება ამ დროს? ჩვენ გარკვეულ კომპრომისებზე მივდივართ რადგან მარტო დარჩენის გვეშინია თუ უბრალოდ იმას ვჯერდებით რაც ყველაზე ხელმისაწვდომია?

download

21-ე საუკუნეში როდესაც საბაზრო ღირებულებები წინა პლანზეა წამოწეული, ადამიანთა ურთიერთობებსაც თითქოს კომერციული ფაქტორები განსაზღვრავს. თუ შენ ხარ ჭკვიანი, ლამაზი, განათლებული შესაბამისად შენი საბაზრო ღირებულებაც მაღალია და უხეშად რომ ვთქვათ უფრო მეტად “გაყიდვადი” ხარ, ამ შემთხვევაში იზრდება თვითშეფასების კრიტერიუმიც. ჩვენ თავად განვსაზღვრავთ ჩვენს ღირებულებას და ხშირშემთხვევაში უფრო მეტად გადამეტებულად სხვასთან შედარებით. აქ უკვე მეორე ფაქტორია, სად გადის ზღვარი ადამიანის ამბიციებს შორის?  ჩემი ერთი მეგობარი ია რომელიც არც ისეთი დიდი სილამაზით გამოირჩეოდა ყოველთვის ირჩევდა პარტნიორებს რომლებიც მასზე ბევრად სიმპატიურებიც იყვნენ და წარმატებულნიც.ამიტომ არ ეწყობოდა სავარაუდოდ ურთიერთობები, ზედმეტი თვითშეფასების გამო. ამ შემთხვევში ძნელია რაღაც კომპრომისებზე წასვლა როცა თვლი რომ შენ ხარ წამყვანი ძალა ურთიერთობაში. სინამდვილეში კი პირიქითაა. გამოდის თუ არა ის რომ უფრო წარმატებულები აკონტროლებენ ურთიერთობასაც.

თუმცა ისევე როგორც ყველა სახის ურთიერთობაში მედალს მეორე მხარეც აქვს. ამბობენ რომ ჩვენ ნაკლებად წარმატებულ პარტნიორებს ვირჩევთ იმის გამო რომ ვთვლით, რომ ამ შემთხვევაში ნაკლები შანსია მათი მხრიდან ღალატის. მაგალითად ჩემი მეორე მეგობარი ნატა ყველასათვის საოცნებო გოგო იყო, თუმცა მისი პარტნიორები ყოველთვის ძალიან დიდი კითხვებს ბადებდა ჩემში. რატომ ირჩევდა მასზე ნაკლებ წარმატებულებს და ნაკლებ სიმპატიურებს, თუმცა ბოლოს მივხვდი მას მოსწონდა ის კონტროლი რასაც განიცდიდა მათზე, სხვა შემთხვევაში მას გაუჭირდებოდა ყოფილიყო ურთიერთობაში წამყვანი..

Capture

ამასთანავე არ შეიძლება დაგვავიწყდეს ის მატერიალისტური ღირებულებებიც, რასაც სამწუხაროდ ყოველ ნაბიჯზე ვაწყდებით. რამდენად შეიძლება წახვიდე კომპრომისებზე მხოლოდ და მხოლოდ იმის გამო რომ შენი პარტნიორი კარგი ფინანსური მდგომარეობით გამოირჩევა?  სამწუხაროდ ძალიან ბევრისათვის მხოლოდ ეს გახდა პარტნიორის არჩევის მთავარი განმსაზღვრელი კრიტერიუმი.

რამდენად შეგვიძლია შევცვალოთ ჩვენ ადამიანები ჩვენს სასიკეთოთ ან ჩვენ შევიცვოთ რათა უფრო მეტად სასურველნი გავხდეთ მათთვის? სად გადის ზღვარი პიროვნულ “მე”-სა და “ჩვენ”-ს შორის?

მარტივად რომ ვთქვათ მსოფლიო იყოფა ორ ნაწილად, ნაწილი რომელსაც უნდა ყველაფერი მიიღოს ცხოვრებისგან და ნაწილი რომელიც კომპრომისებისკენაა მიმართული. მაგრამ შეიძლება კი მაქსიმუმის მიღება? ურთიერთობაში არ არსებობს რომ ორივეს თანაბრად უყვარდეს, ერთს ყოველთვის მეტად უყვარს მეორეს ნაკლებად, შესაბამისად ის ვისაც მეტად უყვარს უფრო მეტ კომპრომისზე მიდის მეორე ადამიანის დაკარგვის შიშით. ცხოვრებაში ყოველდღე გვიწევს რაღაცა არჩევანის გაკეთება, ხშირ შემთხვევაში ის მხოლოდ წვრილმანი არჩევანია, თუმცა ზოგ შემთხვევაში ძალიან მნიშვნელოვანიც კი, განსაკუთრებით როდესაც საქმე ცხოვრების პარტნიორს ეხება…

21–ე საუკუნეში როდესაც პრინცები კაბრიოლეტებით დადიან, სერენადების მაგივრად სკაიპით გზავნიან მელოდიებს და ტარიელის გულისწასვლები ნესტანის მიმართ სასაცილოდ ეჩვენებათ, სასიყვარულო ღირებულებებიც გადაფასებას იწყებენ. შენს ცხოვრებაში სხვადასხვა ადამიანები ტრიალებენ, შენ კიდევ ერთგვარ დახარიხებას იწყებ ვისთან იმეგობრო, ვისთან გაწყვიტო ურთიერთობა, ვინ შეიყვარო…შეიძლება ითქვას რომ უამრავი შანსი გეძლევა, მაგრამ საინტერესოა რამდენად იყენებ ამ ყველაფერს?

ყველაფერი კი არჩევანით იწყება!!!

თქვენ თუ დაფიქრებულხართ ამაზე?

image_large