ორიგინალური და თანამედროვე იდეები თქვენი საოცნებო სახლისათვის

ორიგინალური და თანამედროვე იდეები თქვენი საოცნებო სახლისათვის

402
0
SHARE

სახლი – ეს არის ადგილი, სადაც შეგიძლიათ დაისვენოთ და განიტვირთოთ ყოველდღიური დაძაბული განრიგისა და პრობლემებისაგან. ადგილი, რომელიც თქვენი საკუთარი სივრცეა, სადაც გელოდებიან და უყვარხართ. თითოეული ადამიანისათვის სახლი უდიდესი დატვირთვის მატარებელია, ვინაიდან ის წარმოადგენს იმ გარემოს სადაც იგი იზრდება და ცხოვრობს, სადაც ყოველდღე ბრუნდება. შესაბამისად ძალიან დიდი მნიშვნელობა ენიჭება იმას, თუ როგორია სახლის მოწყობა და ინტერიერი, ის უმეტეს შემთხვევაში ფსიქოლოგიური დატვირთვის მატარებელია და ასახავს თქვენს ხასიათს. როგორ წარმოგიდგენიათ თქვენი საოცნებო სახლი? როგორ დიზაინს ანიჭებთ უპირატესობას? რას გააკეთებდით ან შეცვლიდით სასურველი ბიუჯეტის და რესურსების არსებობის შემთხვევაში? ისევე როგორც თითოეული ადამიანი, მათი გემოვნებაც ძალიან განსხვავდება. ზოგისათვის საოცნებო სახლი, არის დიდი სასახლის ხელა კონსტრუქციის, დიდი აუზით ქალაქის გარეუბანში ან ცენტრში. ზოგისათვის კი პირიქით პატარა და მყუდრო, სადაც შეუძლი ბუხარი აანთოს, საყვარელი წიგნით ხელში მოკალათდეს და უბრალოდ დაისვენოს. სწორედ ამიტომ წარმოგიდგენთ ორიგინალურ იდეებს იმისას, თუ როგორი უნდა იყოს თქვენი საოცნებო სახლი თქვენი გემოვნების შესაბამისად. მაშ ასე, ყველაზე ორიგინალური იდეები, რომელიც გაამრავალფეროვნებს თქვენი სახლის ინტერიერს და მოწყობას.

  1. აკვარიუმის სტილის საძინებელი – მათთვის ვისაც უყვარს სანაპირო და სიმშვიდე, მსგავსი ტიპის საძნებელი სწორედ რომ თქვენთვისაა.
  2. ჭაღი, რომელიც თავისი განათებით თავს ტყეში გაგრძნობინებთ – ექსტრემის და თავგადასავლების მოყვარულთათვის.
  3. საქანელას ფორმის მაგიდა და სკამები – ეს მართლაც რომ ძალიან ორიგინალური და სახალისოა! დაჯექით, ყავა დალიეთ და იქანავეთ!
  4. შიდა ოთახის აუზი – თუ დიდი სახლი გაქვთ და შესაბამისი ბიუჯეტი, ეს მართლაც ფანტასტიურია!
  5. მაგიდა სილის ქვიშის საფარით – იმუშავეთ და თავი იგრძენით ზღვაზე, ან უბრალოდ დაისვენეთ!
  6. მინა სართული და ღია მინის იატაკი თქვენს აბაზანაში – ორიგინალურობის პიკი, მათთვის, ვისაც ყველაფერი განსხვავებული უყვარს.
  7. ერთდროულად სასადილო და ბილიარდის მაგიდა – მათთვის, ვისაც ბილიარდის თამაში უყვარს.
  8. ჰამაკის ფორმის საწოლი – წამოწექით და წარმოიდგინეთ რომ თქვენ სახლში არ ხართ.
  9. ეზოს კინოთეატრი – თუ თქვენ საკუთარი სახლი გაქვთ დიდი ეზოთი, ეს სწორედ რომ თქვენთვისაა, ნამდვილი სამოთხე!
  10. კედელი, რომელიც უკრავს მუსიკას, როდესაც წვიმს – რას ფიქრობთ, არ არის საინტერესო და ორიგინალური დიზაინი?
  11. ღვინის შენახვის ორიგინალური კონსტრუქცია – ქართველი ერი გამოირჩევა ღვინის უდიდესი სიყვარულით, აღნიშნული დიზაინი თანამედროვე მამაკაცებს აუცილებლად დააინტერესებთ და არამარტო მათ.
  12. ორიგინალური ხის სახლის დიზაინი თქვენი პატარებისათვის- აგრძნობინეთ თავი მათ ზღაპარში!
  13. Skate-park ოთახი – მათთვის, ვისაც ეს თამაში ძალიან უყვარს.
  14. მაგიდის ცეცხლი – ეს ძალიან ლამაზი და ფანტასტიური დეკორაციაა, თანამედროვე დიზაინით მოწყობილი სახლებისათვის.