რჩევები მამაკაცებს – მოდის ტენდენციები და სტილი

რჩევები მამაკაცებს – მოდის ტენდენციები და სტილი

382
0
SHARE

“ლამაზი გარეგნობა მუნჯი რეკომენდაციაა…” – პუბლილუსი მსოფლიოს გარშემო მილიონობით ადამიანი საუბრობს სილამაზეზე, მოდასა და სტილზე. წარმოიდგინეთ თქვენი თავი როგორ მიაბიჯებთ ქუჩაში, სამსახურში ან უბრალოდ წვეულებაზე, თითოეულ შემთხვევაში არ კარგავთ ფორმას და ყოველთვის ყურადღების ცენტრში იმყოფებით. ირგვლივ ყველას მზერას იპყრობთ, გავსებენ კომპლიმენტებით, ხართ სასურველი და ყველაფერ ამას თან ერთვის თქვენი თავდაჯერებულობის კოეფიციენტიც. თქვენ ხართ სიმპატიური, მოდური და მომხიბვლელი! მედიასა და სოციალურ ქსელებში უდიდესი ყურადღება ეთმობა ქალის გარეგნობას, როგორ უნდა მიაღწიონ მათ “მაქაიმალურად სასურველის” პიკს და გახდნენ უფრო მეტად მიმზიდველნი. აღსანიშნავია, ისიც რომ მათთან შედარებით ნაკლები აქცენტი კეთდება მამაკაცის სტილსა და გარეგნობაზე, რაც ალბათ ყველა დამეთანხმებით რომ დაუშებელია! დღევანდელი ჩემი თემაც სწორედ ამიტომ ეძღვნება მთლიანად მამაკაცებს, ქვემოთ წარმოდგენილი რჩევები ასახავენ ქალის თვალით დანახული სასურველი მამაკაცის რეალობას. მაშ ასე, როგორ გავხდეთ უფრო მოდურები და რა სურთ ქალებს?

  1. მომხიბვლელი მამაკაცის პირველი და მთავარი წესი არის მისი ელეგანტურობა. არ აქვს მნიშვნელობა გაქვთ თუ არა სრულყოფილი კარადა ან რა ბრენდის ფეხსაცმელი გაცვიათ, რამდენი თანხა გადაიხადეთ მასში და რატომაა ის ასეთი პოპულარული, ძვირადღირებული თუ პირიქით ხელმისაწვდომი და იაფი. დაიმახსოვრეთ მთავარი სავიზიტო ბარათი სისუფთავესა და გემოვნებაშია. შეიძლება არ გეცვათ რომელიმე ბრენდის ძვირადღირებული მარკის ტანსაცმელი, მაგრამ გეცვათ ამ ბრენდზე უკეთესი გემოვნებით შერჩეული, უბრალოდ ხელმისაწვდომი, თუმცა ამავდროულად კლასიკური და დახვეწილი ფეხსაცმელი. ქალები ძალიან დიდ მნიშვნელობას ანიჭებენ სისუფთავეს და დაიმახსოვრეთ! ფეხსაცმელი ყოველთვის უნდა იყოს გაწმენდილი, ტანსაცმელი კი სუფთა და გემოვნებით შერჩეული. (ნუ თუ არ ცდილობთ ისეთი გოგოს მოხიბვლას, რომელიც მხოლოდ პოპულარული ბრენდის მარკას და თქვენს ხელფასს უყურებს, ალბათ მიხვდით…)
  2. ინდივიდუალურობა. გახსოვდეთ! აუცილებელია თქვენი ინდივიდუალურობის დაცვა, როგორც უკვე ზემოთ აღვნიშნე, არ აქვს მნიშვნელობა რა ბრენდის ტანსაცმელს ჩაიცვამთ, მთავარია თავს გრძნობდეთ მასში კომპორტულად. უპირატესობას ანიჭებთ სპორტულ სტილს? – ძალიან ლამაზია. კლასიკურ და დახვეწილ სტილს? – რათქმაუნდა ესეც, მთავარი კი არის ის, რომ თქვენი ჩაცმულობა უნდა გამოხატავდეს თქვენს მეს! ინდივიდუალურობის და კრეატიულობის დაცვა, ის რაც სხვებისაგან გამოგარჩევთ და ყოველთვის ყურადღების ცენტრში გამყოფებთ.
  3. თავბრუდამხვევი სურნელი. ერთ საიდუმლოს გაგიმხელთ, ქალები უბრალოდ ჭკუას კარგავენ სწორად შერჩეულ სუნამოზე. აქ კი მოგიწევთ ისიც გაითვალისწინოთ, რომ აუცილებელია ცოტა ძვირადღირებული სუნამოს შერჩევა, იაფფასიან სურნელს გირჩევთ საერთოდ არ გამოიყენოთ ის. მაგრამ აი სუნამო, რომელიც თავბრუს დაახვევს ირგვლივ საზოგადოებას და თქვენთვის სასურველ ქალბატონს, შეიძლება საღამოს სასიამოვნოდ გაგრძელების კიდევ ერთი საწინდარი აღმოჩნდეს. ის გამოხატავს თქვენს შინაგან მეს, დაიმახსოვრეთ! არომატი რომელიც თან გდევთ, თქვენი სავიზიტო ბარათიც კი შეიძლება აღმოჩნდეს ქალის გულისაკენ მიმავალ გზაზე.
  4. ფიზიკური აქტივობა. ქალში ძალიან დიდ ემოციას იწვევს როდესაც თქვენ ვარჯიშობთ, უფრთხილდებით თქვენს წონას და ამავდროულად ყურადღებას უთმობთ თქვენს მუცლის პრესს. საქართველოში ამ კუთხით ძალიან დიდი პრობლემატიკაა, ჭამა ყველას გვიყვარს, უბრალო სანაცვლოდ ალბათ უპრიანი იქნება თუ დავკავდებით ფიზიკური ვარჯიშით. ამით უზრუნველყოფთ თქვენს წონის კორექციას, იქნებით სიმპატიურნი და რაც მთავარია ჯანმრთელნი. რა ჯობია იმას, როდესაც მამაკაცს შესწევს ძალა ხელში აიტაცოს სასურველი ქალი.
  5. აქასესუარები. ეს საკითხი, ისევე როგორც თითოეული პიროვნება, ძალიან ინდივიდუალურად აღქმადია. რჩევა იქნება მათი ბალანსი. არაფერი ჯობია ძალიან ლამაზ საათს, რომელიც ამშვენებს მამაკაცს ხელზე, ან სხვა სწორად შერჩეულ აქსესუარს, თუნდაც ძალიან ელეგანტურ და სექსუალურ სათვალეს, მაგრამ ამასაც უნდა ევთგვარი ბალანსი გემოვნების შესაბამისად. დაიმახსოვრეთ თქვენ არ ხართ ქალები (ბეჭდების დიდი რაოდენობა, საყურეები, ჯაჭვები ეს არ არის თქვენი სტილი) შეეცადეთ ელეგანტურობის შესაბამისად აქსესუარების რაოდენობის ბალანსსაც.
  6. ფერთა სწორი შეხამება. ტანსაცმლის შერჩევისას გაითვალისწინეთ ფერების კომბინაცია. იკეთებთ თუ არა შარფს ან თუ იკეთებთ რა ფერს იკეთებთ კონკრეტულ ტანსაცმელზე, ისევე როგორც ფეხსაცმლის დიზაინს, რამდენად ეწყობა თქვენი შერჩეული ტანსაცმლის სტილი თითოეულ მათგანს.
  7. თავდაჯერებულობა და შარმი.ეს ყველაზე მთავარია მომხიბლავი მამაკაცის კრიტერიუმების ჩამონათვალში.