როგორ ატარებენ ავტომობილებს საქართველოში

როგორ ატარებენ ავტომობილებს საქართველოში

140
0
წილი

საქართველოში საგზაო მოძრაობა, როგორც წესი ძალიან სახიფათო და დიდი სტრესის შემცველია. ფეხით მოსიარულეები ვალდებულნი არიან, მუდმივად  აკონტროლონ ახლომახლო მოძრავი მანქანები, მაშინაც კი, თუ ისინი ტროტუარზე გადაადგილდებიან. ორი წლის წინ, პირადაც მე ძალიან დიდი ავტოკატასტროფის მსხვერპლი გავხდი, რომელსაც ადგილი ჰქონდა სწორედ რომ ხალხით სავალ ბილიკზე, იქ, სადაც მანქანები წესით არ გადაადგილდებიან.  აღნიშნული ფაქტები  ხშირ შემთხვევაში ხდება იმიტომ, რომ, მძღოლები უგულებელყოფენ ფეხით მოსიარულეთა უფლებებს, მათ თავად უნდა იზრუნონ იმაზე, რომ მანქანა არ დაეჯახოთ. მიუხედავად იმისა, რომ ქართველები დიდსულოვანი ხალხია, მათი ქცევა დრამატულად იცვლება საჭესთნ ყოფნის დროს – წესიერი ადამიანები ეგოისტები ხდებიან, რომლებიც სხვას გზას არ დაუთმობენ (იშვიათი გამონაკლისების გარდა).

images

საქართველოში მანქანის ტარებაც ძალიან დიდ სტრესთან და ნერვულ დაძაბულობასთანაა დაკავშირებული. მძღოლები მუდამ მზად უნდა იყვნენ სხვა მძღოლების მიერ მოძრაობის წესების უხეშ და სახიფათო დაღვევებზე რეაგირებისათვის. საქართველოში ამის დაცვა ძალიან ძნელია, სრულიად შესაძლებელია შენ მანქანას ძალიან კარგად მართავდე, მაგრამ თუ შენს გვერდით მოძრაობს ავტომობილი, რომელსაც მართავს არაკომპეტენტური და ნაკლები გამოცდილების მქონე მძღოლი დიდია ავტო კატასტროფის დადგომის შესაძლებლობა, რაც არამარტო თქვენს ქონებას, არამედ პირველ რიგში ადამიანის ჯანმრთელობას და სიცოცხლეს უქმნის საფრთხეს.

აღნიშნულის ფონზე, ძალიან დიდი საფრთხის წინაშე დგანან ფეხით მოსიარულე ადამიანები, გზის გადაკვეთისას, ის ან ძალიან მომთმენი უნდა იყოს და ელოდოს მანამ, სანამ მაქანების ნაკადი არ შეწყდება, რასაც შეიძლება დიდი დრო დასჭირდეს, ან გაბედულად უნდა გადაირბინოს მომავალი მანქანის წინ. რომელიც ძალიან სარისკო და სახიფათოა და არავინ იცის რა შედეგებით შეიძლება დასრულდეს. ხაზი უნდა გაესვას იმასაც, რომ  არავინ არ  აქცევს ყურადღებას ზებრა გადასასვლელს!

საგზაო მოძრაობა  ზოგადად საქართველოში, განსაკუთრებით კი თბილისში,  არა მხოლოდ მოუხერხებელი და გამაღიზიანებელი, არამედ ძალიან  სახიფათოცაა. მსოფლიო ჯანმრთელობის ორგანიზაციის და მსოფლიო ბანკის მონაცემების მიხედვით, რუსეთის და სომხეთის შემდეგ, საქართველო ევროპაში მესამე ქვეყანაა გზებზე სიკვდილიანობის მაჩვენებლის მიხედვით.  საქართველოში საგზაო შემთხვევებში სიკვდილიანობის მაჩვენებელი ყოველ 100 000 ადამიანზე საშუალოდ 15.7-ია, რუსეთსა და სომხეთში იგივე მაჩვენებელი, შესაბამისად 18.6 და 18.1 ადამიანია.  შედარებით უკეთესი სურათია აზერბაიჯანში, სადაც ეს მაჩვენებელი 13.1 ადამიანს შეადგენს. ეს ძალიან უტოპიური და იდეალური ვარიანტია, თუმცა შედარებისათვის  გაერთიანებულ სამეფოში, ისლანდიასა და შვედეთში საგზაო შემთხვევებში სიკვდილიანობის მაჩენებელი საშუალოდ 3 ადამიანია 100 000 მოსახლეზე.

საქართველოში საგზაო შემთვევების 30-40%-ში  ფეხით მოსიარულე ადამიანების მონაწილეობა ფიქსირდება. „საქართველოს ალიანსი უსაფრთო გზებისათვის“ მონაცემების მიხედვით, ფეხით მოსიარულეთა მონაწილეობით საგზაო შემთხვევების რაოდენობა წლიდან წლამდე იზრდება.  ეს მიუთითებს იმაზე,  რომ საგზაო შემთხვევები, ფეხით მოსიარულეთა მიმართ უკეთესობისკენ კი არა უარესობისაკენ იცვლება. სახელმწიფო არ ახდენს რეაგირებას აღნიშნული საკითხის ირგვლივ, რაც იწვევს ძალიან ბევრი ადამიანის ჯანმრთელობის გაუარესებასა და სიკვდილიანობის მატებას.

traffictr

 

რა იწვევს აღნიშნული პრობლემას? – ამის ასახსნელად რამდენიმე ძირითად მიზეზს შეიძლება გაესვას ხაზი.

  • წინა წლების ერთ-ერთი ყველაზე არარაციონალური პოლიტიკური გადაწყვეტილება – საგზაო მოძრაობის წესების დარღვევებზე ჯარიმების შემცირება. არსებობს მოსაზრება იმის თაობაზე, რომ მთავრობას არაპოპულარული საგზაო ჯარიმების შემცირებით თავისი პოპულარობის გაზრდა სურდა და ამას შესწირა თავისი მოქალაქეთა უსაფრთხოება.
  • მართვის მოწმობის აღების სიმარტივე. თუ მართვის მოწმობის აღება ყველასათვის ძალიან მარტივად იქნება ხელმისაწვდომი, ეს გამოიწვევს არაპროფესიონალი მძღოლების სიმრავლეს, რაც ზრდის ავტო საგზაო შემთხვევების რიცხვს.
  • პოლიციის უუნარობა დაარეგულიროს მოძრაობა.

იმედია მომავალში აღნიშნული საკითხი უფრო მეტ აქტუალურობას შეიძენს და ყურადღებას მიიპყრობს ხელისუფლების მხრიდან.

სულ მწვანეზე გევლოთ!

1413130425328019