ტანგო – ეს არის სევდიანი აზრი, რომლის ცეკვა შეიძლება

ტანგო – ეს არის სევდიანი აზრი, რომლის ცეკვა შეიძლება

197
2
SHARE

“ტანგო – ეს არის სევდიანი აზრი, რომლის ცეკვა შეიძლება.” – ენრიკე სანტოს დისეპოლო ტანგო – ეს არის ცეკვა როდესაც შეგიძლია გამოხატო შენი ყველა ემოცია, ვნება, სიყვარული, ხელოვნება… ცეკვას საფუძველი ჩაეყარა 1890 წლებში, არგენტინისა და ურუგვაის გასაყარზე და რომელიც გავრცელდა შემდგომ მთელს მსოფლიოში. ადრეული ტანგო ცნობილი იყო, როგორც “Creole tango”, დღეს კი გვაქვს ტანგოს სტილის ძალიან ფართო არჩევანი. 2009 წელს ტანგო შევიდა იუნესკოს არამატერიალური კულტურის მემკვიდრეობის სიაში (UNESCO Intangible Cultural Heritage Lists) უფრო კონკრეტულად კი, ეს არის ცეკვა, სადაც შეიგრძნობ შენი სხეულის ყველა ნაწილს, სადაც ხართ მხოლოდ შენ, მუსიკა, პარტნიორი და პარკეტი. სადაც შეგიძლია იყო შენ და მხოლოდ შენ! გამოავლინო შენი ინდივიდუალიზმი ან უბრალოდ დაიკარგო მუსიკის ჰანგებში. მუსიკის თითოეული ნოტის, ცეკვის მოძრაობის, სინაზის, სიყვარულის, ვნების, შეხების, გაბრაზების, ჩხუბის, ემოციის, ცარიელი აუდიტორიის, სადაც ხართ მხოლოდ შენ და მუსიკა და მკრთალი განათების კომბინაცია, რომელიც ერთ მთლიანობაში აერთიანებს ორ ადამიანს და ქმნის არაჩვეულებრივ პერფომანსს. ტანგოში არის ქალი და მამაკაცი, რათქმაუნდა მუსიკასთან ერთად, რომელიც მათ ცეკვას ხასიათს უქმნის. ის გაიძულებთ მოდუნდეთ, თქვენ უნდა დაივიწყოთ თქვენი შინაგანი დაბრკოლებები, მხოლოდ მაშინ მიიღებთ სიამოვნებას იმპროვიზაცისგან. ისინი ეხებიან, ურთიერთობენ, ჩხუბობენ, სიყვარულს უხსნიან ერთმანეთს – ეს ყველაფერი კი ტანგოს ერთ მელოდიაშია მოქცეული. „ტანგო – ეს არის მარტოობა და ერთიანობა, ერთობა ყველაფერში“ – ელენა ახმეტოვა წარმოგიდგენთ ამ ცეკვის ძალიან ლამაზ ვიდეოს, რომელიც შეიძლება ერთგვარი მოტივაციაც კი აღმოჩნდეს მომავალში შეისწავლოთ ეს ცეკვა.